بنگلادیش نے پاکستان سے آنے والے سامان کے مکمل فزیکل معائنے کی شرط ختم کر دی ہے۔
اس کے علاوہ، ڈھاکا ایئرپورٹ پر پاکستانی مسافروں کی سیکیورٹی چیکنگ کے لیے قائم خصوصی ڈیسک اور پاکستانی ویزا درخواست دہندگان کے لیے اضافی کلیئرنس کی شرط بھی ختم کر دی گئی ہے۔
وزیراعظم شہباز شریف نے بنگلا دیش کے چیف ایڈوائزر ڈاکٹر محمد یونس سے ڈی 8 کے سربراہی اجلاس کے دوران ملاقات کی۔ اس موقع پر دونوں رہنماؤں نے دوطرفہ تعلقات میں حالیہ ترقی پر اطمینان کا اظہار کیا۔
شہباز شریف کی انڈونیشیا کے صدر سے بھی ملاقات ہوئی، جس میں انہوں نے کہا کہ انڈونیشیا کے تعاون سے پاکستان آسیان فورم کا مکمل ڈائیلاگ پارٹنر بن جائے گا۔