محکمہ صحت کے اعداد و شمار کے مطابق خیبر پختونخوا کے اضلاع پشاور اور کوہاٹ کو ڈینگی کے حوالے سے ہائی رسک قرار دے دیا گیا ہے جہاں ضلع کوہاٹ میں صورتحال وبائی شکل اختیار کر چکی ہے اور رواں ماہ وہاں ڈینگی کے نو سو پچہتر کیسز رپورٹ ہوئے جن میں اسی ایکٹو کیسز ہیں، جبکہ پشاور میں اکتوبر کے دوران دو سو نو افراد میں وائرس کی تصدیق ہوئی۔ اس کے علاوہ رواں ماہ بنوں میں اکیاسی، چارسدہ میں سینتیس، ہری پور میں چونتیس، ایبٹ آباد میں اکیس جبکہ ہنگو اور نوشہرہ میں بیس بیس کیسز سامنے آئے ہیں، جس سے صوبے بھر میں رواں ماہ کے دوران ڈینگی کے کل کیسز کی تعداد ایک ہزار پانچ سو دس ہو گئی ہے جبکہ گزشتہ چوبیس گھنٹوں کے دوران مزید ننانوے افراد اس سے متاثر ہوئے ہیں۔ محکمہ صحت کے مطابق رواں سال دو ہزار چھبیس میں صوبے میں ڈینگی کے کل مصدقہ کیسز کی تعداد چار ہزار اکیانویں تک پہنچ گئی ہے اور ڈیرہ اسماعیل خان میں اس وائرس سے ایک شخص کی موت بھی واقع ہوئی ہے۔