بھارتی کرکٹر شبمن گل نے آئی سی سی پلیئر آف دی منتھ کا ایوارڈ اپنے نام کر لیا ہے۔
تفصیلات کے مطابق انٹرنیشنل کرکٹ کونسل نے ستمبر کے مہینے کے مین اور ویمن پلیئر آف دی منتھ کی نامزدگیوں کا اعلان کیا تھا۔
آئی سی سی کی جانب سے اعلان کردہ نامزدگیوں میں پاکستان کا کوئی کھلاڑی شامل نہیں تھا جب کہ بھارت کے 2 کرکٹرز کو نامزد کیا گیا تھا۔
آئی سی سی کی جانب سے بھارت کے شبمن گل اور محمد سراج پلیئر آف دی منتھ کے لیے نامزد ہوئے تھے ۔
بھارتی بیٹسمین شبمن گل کو ستمبر میں کارکردگی کی بنیاد پر پلیئر آف دی منتھ قرار دیا گیا ہے، دوسری جانب سری لنکا کی چیماری اتھاپتھو ویمن پلیئر آف دی منتھ قرار پائی ہیں۔