.jpg)
چیف جسٹس وفاقی آئینی عدالت جسٹس امین الدین خان نے عدالت کے ملازمین کے الاؤنسز میں بڑے اضافے کی منظوری دے دی ہے۔
تفصیلات کے مطابق چیف جسٹس کی منظوری کے بعد باقاعدہ آفس آرڈر جاری کر دیا گیا ہے، جس میں کہا گیا ہے کہ جوڈیشل اور یوٹیلیٹی الاؤنسز میں موجودہ بیسک سیلری کے 50 فیصد تک اضافہ کیا گیا ہے۔
آرڈر کے مطابق نئے الاؤنسز کا اطلاق وفاقی آئینی عدالت کے تمام ملازمین پر فوری طور پر ہوگا، تاہم اضافی الاؤنسز غیر معمولی چھٹی کے دوران قابلِ ادائیگی نہیں ہوں گے۔
ایڈیشنل رجسٹرار ایڈمن کی جانب سے جاری کردہ آفس آرڈر میں مزید بتایا گیا ہے کہ اس فیصلے سے ہونے والے اخراجات مالی سال 2025-26 کے مختص بجٹ سے پورے کیے جائیں گے۔