.jpg)
خیبرپختونخوا حکومت نے پیٹرولیم مصنوعات کی قیمتوں میں اضافے کے باوجود Peshawar BRT کے کرایوں میں اضافہ نہ کرنے کا فیصلہ کیا ہے۔
ٹرانس پشاور کی جانب سے پیٹرولیم مصنوعات مہنگی ہونے کے تناظر میں بی آر ٹی کرایوں میں اضافے کی سمری حکومت کو ارسال کی گئی تھی، تاہم وزیراعلیٰ نے اس تجویز کو مسترد کر دیا۔
مشیر خزانہ Muzzammil Aslam کا کہنا ہے کہ حکومت موجودہ معاشی صورتحال میں عوام پر مزید بوجھ نہیں ڈالنا چاہتی، اسی لیے وزیراعلیٰ Ali Amin Gandapur نے کرایوں میں اضافے کی تجویز منظور نہیں کی۔
ان کا کہنا تھا کہ حکومت کی کوشش ہے کہ عوام کو زیادہ سے زیادہ ریلیف فراہم کیا جائے اور مہنگائی کے دباؤ کے باوجود شہریوں کو سفری سہولتیں مناسب قیمت پر میسر رہیں۔
واضح رہے کہ پیٹرولیم مصنوعات کی قیمتوں میں حالیہ اضافے کے بعد ٹرانسپورٹ کے کرایوں میں اضافے سے متعلق خدشات سامنے آ رہے تھے، تاہم حکومت کے اس فیصلے سے روزانہ بی آر ٹی استعمال کرنے والے ہزاروں شہریوں کو ریلیف ملے گا۔