خیبرپختونخوا کے معروف باڈی بلڈر اور مسٹر سرحد کے اعزاز یافتہ امین اللہ صافی دو گروپس کے درمیان جھڑپ کے دوران گولی لگنے سے شدید زخمی ہو گئے۔
زخمی حالت میں انہیں اسپتال منتقل کیا گیا تھا، لیکن ایک روز علاج کے بعد وہ زخموں کی تاب نہ لاتے ہوئے انتقال کر گئے۔
امین اللہ صافی نوجوان تن ساز تھے اور اپنی محنت اور کارکردگی کے باعث باڈی بلڈنگ کے حلقوں میں شہرت رکھتے تھے۔ ان کے بڑے بھائی ندیم صافی بھی باڈی بلڈنگ کوچ ہیں۔
ان کی نماز جنازہ جمعے کو 11 بجے چونا بھٹی حیدر کالونی میں ادا کی جائے گی۔ علاقے میں ان کی ہلاکت پر شدید غم اور سوگ کی لہر دوڑ گئی ہے۔