دہشتگردی ختم کرنا ہمارا مقصد، کابل بھی محفوظ نہیں: راناثنااللہ

Rana Sanaullah نے کہا ہے کہ پاکستان کی بھرپور جوابی کارروائی جاری ہے اور کابل سمیت افغانستان کا کوئی علاقہ ہماری دسترس سے دور نہیں۔ ان کا کہنا تھا کہ افغانستان پر قابض جتھے کی کوئی اوقات نہیں، پاکستان کی مسلح افواج سرحدوں کی حفاظت کے لیے ہر وقت تیار ہیں، اور افغان طالبان رجیم بھارت کے فنڈز پر چل رہی ہے۔ پاکستان کا مقصد صرف دہشت گردی کے خاتمے کا مطالبہ ہے۔

یاد رہے کہ Pakistan کی افواج پاک افغان سرحد پر افغان طالبان رجیم کی مبینہ بلااشتعال کارروائیوں کے جواب میں آپریشن "غضب للحق" جاری رکھے ہوئے ہیں۔ کارروائی کے دوران افغان طالبان رجیم کی چنیدہ پوسٹوں کو ڈرونز اور چھوٹے و بڑے ہتھیاروں سے نشانہ بنایا جا رہا ہے۔

سیکیورٹی ذرائع کے مطابق افغان رجیم نے کواڈکاپٹر کے ذریعے پاکستانی چیک پوسٹوں پر حملے کی کوشش کی، تاہم پاک فورسز کی بروقت کارروائی سے تمام ڈرون تباہ کر دیے گئے۔ اسی دوران افغان طالبان رجیم کے 133 اہلکار ہلاک اور 200 سے زائد زخمی ہوئے ہیں۔

پاک فوج کے مطابق اس کارروائی میں افغان پوسٹوں اور آپریشنل مراکز کو مؤثر انداز میں نشانہ بنایا جا رہا ہے، جس سے سرحدی کشیدگی میں پاکستان کی طاقت کا مظاہرہ واضح ہو رہا ہے۔