.jpg)
سرکاری نوکری کے خواہشمند نوجوانوں کے لیے خوش آئند خبر سامنے آ گئی ہے، جہاں بلوچستان حکومت نے بڑے پیمانے پر ملازمتوں کے مواقع کا اعلان کر دیا ہے۔ صوبائی حکومت کی جانب سے گریڈ 1 سے 15 تک کی 25 ہزار سے زائد آسامیاں مشتہر کی گئی ہیں۔
یہ اقدام نوجوانوں کو روزگار فراہم کرنے اور میرٹ پر بھرتیوں کے عزم کے تحت اٹھایا گیا ہے۔ وزیراعلیٰ میر سرفراز بگٹی کا کہنا ہے کہ حکومت گڈ گورننس کے قیام اور شفاف نظام کے فروغ کے لیے عملی اقدامات کر رہی ہے، جس کے تحت سرکاری محکموں میں میرٹ کی بنیاد پر تقرریاں کی جائیں گی۔
مزید بتایا گیا ہے کہ گریڈ 16 اور 17 کی 4 ہزار خالی آسامیوں کی سمری متعلقہ ادارے کو ارسال کر دی گئی ہے۔ جن محکموں میں بھرتیوں کے لیے ٹیسٹ اور انٹرویوز کا عمل مکمل ہو چکا ہے، وہاں جلد تقرری کے احکامات جاری کیے جائیں گے۔
ادھر ملک کے دیگر صوبوں میں بھی روزگار کے مواقع بڑھانے کی پیش رفت جاری ہے، جہاں سرکاری شعبے میں بڑی تعداد میں نوکریاں فراہم کرنے کے اقدامات سامنے آ رہے ہیں۔
یہ اعلان ہزاروں نوجوانوں کے لیے نئی امید بن کر سامنے آیا ہے، جو طویل عرصے سے سرکاری ملازمت کے مواقع کے منتظر تھے۔