اسلام آباد میں تحریک انصاف کی پارلیمانی پارٹی کا اجلاس جاری ہے، جس میں وزیراعلیٰ خیبر پختونخوا سہیل آفریدی کی شرکت متوقع ہے۔ اجلاس میں پارٹی رہنماؤں کو وزیراعظم سے ملاقات اور پارلیمانی امور سے متعلق اہم اپ ڈیٹس دی جائیں گی۔
ذرائع کے مطابق اجلاس میں بانی پی ٹی آئی سے ملاقاتوں کے نتائج پر غور کیا جائے گا اور آئندہ کے سیاسی لائحہ عمل پر مشاورت ہوگی۔ اجلاس میں شریک اراکین پارٹی کی پالیسیز اور پارلیمانی حکمت عملی کے حوالے سے اپنی تجاویز بھی پیش کریں گے۔
پی ٹی آئی کی قیادت کا کہنا ہے کہ یہ اجلاس پارٹی کے اندر اتفاق اور مستقبل کی منصوبہ بندی کے لیے انتہائی اہمیت کا حامل ہے۔ اجلاس کے بعد پارٹی کی جانب سے آئندہ کے اقدامات سے متعلق باضابطہ اعلامیہ جاری کیا جائے گا۔