بورڈ آف ریونیو نے خیبر پختونخوا میں ضلع بندی کا اعلان کر دیا

بورڈ آف ریونیو نے اعلان کیا ہے کہ سوات کو دو الگ اضلاع میں تقسیم کر دیا گیا ہے۔ نئے ضلع کا نام برسوات رکھا گیا ہے، جو تحصیل مٹہ، خوازہ خیلہ اور بحرین پر مشتمل ہوگا، جبکہ ضلع برسوات کا ہیڈکوارٹر مٹہ ہوگا۔

پرانی سوات میں اب بابوزئی، کبل، چارباغ اور بریکوٹ شامل ہوں گے اور اس کا ہیڈکوارٹر گل کدہ مقرر کیا گیا ہے۔ اس تقسیم کا مقصد انتظامی کاموں کو مزید موثر اور عوام کے لیے سہولت پیدا کرنا بتایا گیا ہے۔

محکمہ مال کے مطابق اس اقدام سے نہ صرف سرکاری اور انتظامی کاموں میں آسانی آئے گی بلکہ مقامی لوگوں کے لیے ترقیاتی منصوبوں اور بنیادی سہولیات کی فراہمی بھی بہتر ہو سکے گی۔

علاقہ مکینوں نے بھی اس فیصلہ کا خیرمقدم کیا اور توقع ظاہر کی کہ نئی تقسیم سے عوامی مسائل میں کمی آئے گی اور مقامی انتظامیہ کی کارکردگی میں بہتری آئے گی۔