خیبر پختونخوا میں امن کے قیام کے لیے جرگہ 12 نومبر کو طلب کیا گیا ہے، جس میں حکومتی جماعت پی ٹی آئی تمام سیاسی جماعتوں سے رابطہ کر رہی ہے۔ تحریک انصاف کے وفد نے جماعت اسلامی، قومی وطن پارٹی اور دیگر پارٹیوں کو جرگے میں شرکت کی دعوت دی۔
وفد میں صوبائی وزیر آفتاب عالم، سابق وزیر کامران بنگش، عرفان سلیم اور شیر علی ارباب شامل تھے۔ صوبائی وزیر شیر علی ارباب نے کہا کہ امن کے لیے تمام سیاسی جماعتیں ساتھ چلیں، کیونکہ امن سے معاشی صورتحال بھی بہتر ہوگی۔
جماعت اسلامی کے رہنما عنایت اللہ نے کہا کہ اسپیکر خیبر پختونخوا اسمبلی نے بھی جرگے کی دعوت دی ہے، اور جماعت اسلامی اختلاف برائے اختلاف سے گریز کرتی ہے۔ اسپیکر بابر سلیم سواتی نے پی ٹی آئی پارلیمنٹیرین سے صوبے کی صورتحال اور امن کے قیام پر تفصیلی تبادلہ خیال کیا۔