چیمپئنز ٹرافی کے فاتح کپتان سرفراز احمد کو پی ایس ایل فرنچائز کوئٹہ گلیڈی ایٹرز کا ٹیم ڈائریکٹر مقرر کر دیا گیا ہے۔
فرنچائز کے مالک ندیم عمر نے کہا کہ سرفراز احمد کی بطور کپتان قیادت ہمیشہ شاندار رہی اور وہ ہماری ٹیم کے لیے قیمتی اثاثہ ہیں۔ انہوں نے 2019 میں پی ایس ایل ٹائٹل جیتنے کے علاوہ لیگ کے ابتدائی دنوں سے ہی فرنچائز کے لیے اہم کردار ادا کیا ہے۔
سرفراز احمد نے کوئٹہ گلیڈی ایٹرز کے لیے 86 میچز میں 1525 رنز بنائے، جس میں 7 نصف سنچریاں بھی شامل ہیں۔ پی ایس ایل کے 10ویں ایڈیشن سے قبل انہوں نے علیحدگی کا اعلان کیا تھا، لیکن اب انہیں دوبارہ ٹیم ڈائریکٹر مقرر کیا گیا ہے۔
سابق ٹیسٹ کپتان معین خان بطور ہیڈ کوچ اور سرفراز احمد بطور ٹیم ڈائریکٹر فرنچائز کے لیے اہم کردار ادا کریں گے۔