بالی وڈ کی اداکارہ وانی کپور نے فواد خان کو بڑی اسکرین کا بہترین ستارہ قرار دیتے ہوئے کہا کہ ان کے ساتھ کام کرنے کا تجربہ واقعی شاندار رہا۔
فواد خان اور وانی کپور کی فلم "عبیر گلال" کی پروموشنل تقریب دبئی کے گلوبل ولیج میں منعقد ہوئی، جہاں فلم کی ٹیم اور بیرون ملک مقیم پاکستانی کمیونٹی نے بھرپور شرکت کی۔ تقریب سے پہلے، فلم کا میوزک البم ڈیجیٹل پلیٹ فارمز پر جاری کیا جا چکا تھا۔
وانی کپور نے گفتگو کے دوران فواد خان کی شخصیت اور تعاون کی تعریف کی اور انہیں اپنا پسندیدہ ساتھی اداکار قرار دیا۔ جب اداکارہ سے ایک لفظ میں فواد خان کی تعریف کرنے کو کہا گیا تو انہوں نے کہا کہ وہ بے حد پرکشش ہیں اور فلمی دنیا کے لیے بہترین انتخاب ہیں۔