پشاور۔ خیبرپختونخوا کی نگران حکومت نے سرکاری ملازمین کی تنخواہوں میں 10 فیصد اضافے کا نوٹیفیکیشن جاری کردیا ہے اضافے کا اطلاق جولائی کی تنخواہوں سے ہو گا ۔ تفصیلات کے مطابق خیبرپختونخوا کی نگران حکومت نے سرکاری ملازمین کی تنخواہوں میں 10 فیصد اضافہ کر دیا ہے ۔
نگران حکومت کی جانب سے جاری اعلامیے کے مطابق تنخواہوں میں اضافے کا فیصلہ بجٹ میں کیا گیا جس کا اطلاق جولائی کی تنخواہوں سے ہو گا ۔ سرکاری ملازمین کی جانب سے تنخواہوں میں اضافے کا خیر مقدم کیا گیا تاہم انہوں نے دس فیصد اضافے کو ناکافی قرار دیا ہے ۔