جمعیت علمائے اسلام (جے یو آئی) نے تحریک انصاف کے ساتھ کسی بھی قسم کے اتحاد سے صاف انکار کر دیا ہے۔ یہ فیصلہ لاہور میں ہونے والے مجلس عمومی کے اجلاس میں کیا گیا۔
جے یو آئی نے یہ بات واضح کر دی ہے کہ وہ پارلیمنٹ میں ایک آزاد حزب اختلاف کے طور پر کام کرے گی اور حکومت کا حصہ نہیں بنے گی۔ پارلیمنٹ میں زیر بحث معاملات پر تحریک انصاف کے ساتھ تعاون کا فیصلہ وقتاً فوقتاً کیا جائے گا۔
پارٹی نے 27 اپریل کو مینار پاکستان پر "اسرائیل مردہ باد" ریلی اور مئی میں پشاور اور کوئٹہ میں اجتماعات منعقد کرنے کا اعلان کیا ہے۔
جے یو آئی نے پنجاب میں نہریں نکالنے کے معاملے پر اپنی سندھ تنظیم کے موقف کی حمایت کی ہے اور منرلز اور مائنز کے قانون کے حوالے سے صوبوں کے آئینی حقوق کے تحفظ کا عزم ظاہر کیا ہے۔
مبصرین کا کہنا ہے کہ مولانا فضل الرحمن کی قیادت میں جے یو آئی نے قومی معاملات پر دانشمندانہ فیصلے کیے ہیں۔