.jpg)
خیبرپختونخوا کے ضلع ڈیرہ اسماعیل خان میں سیکیورٹی فورسز نے عزمِ استحکام ویژن کے تحت انٹیلی جنس بیسڈ آپریشن کرتے ہوئے 4 دہشت گردوں کو ہلاک کردیا۔
سیکیورٹی ذرائع کے مطابق کارروائی دہشت گردوں کی نقل و حرکت سے متعلق اطلاعات کی بنیاد پر کی گئی، جس کے دوران فورسز نے دہشت گردوں کے ٹھکانے کو نشانہ بنایا۔
ذرائع کے مطابق آپریشن میں ہلاک ہونے والے دہشت گردوں کے قبضے سے بھاری مقدار میں اسلحہ، گولہ بارود اور افغانی کرنسی بھی برآمد ہوئی۔
سیکیورٹی ذرائع کا کہنا ہے کہ دہشت گردی کے مکمل خاتمے اور پائیدار امن کے قیام کیلئے انٹیلی جنس بیسڈ کارروائیاں جاری رکھی جائیں گی۔
واضح رہے کہ حالیہ عرصے میں ڈیرہ اسماعیل خان اور خیبرپختونخوا کے دیگر اضلاع میں سیکیورٹی فورسز کی جانب سے دہشت گردوں کے خلاف متعدد کارروائیاں کی گئی ہیں۔ ستمبر 2026 میں بھی ڈی آئی خان سمیت صوبے کے مختلف علاقوں میں انٹیلی جنس بیسڈ آپریشنز کی اطلاعات سامنے آئی ہیں۔