لاہور کی اوپن مارکیٹ میں مہنگائی کا راج بدستور برقرار ہے، جس کے باعث سفید پوش طبقے اور عام شہریوں کے لیے گھر کا گزارا چلانا انتہائی مشکل ہو چکا ہے۔ بنیادی راشن اور روزمرہ استعمال کی اشیاء کی قیمتیں آسمان سے باتیں کر رہی ہیں، اور گھی، آئل، چاول اور چینی جیسی بنیادی اشیاء صارفین کی بساط سے باہر ہو گئی ہیں۔
بازار میں گھی کی قیمت ۴۹۰ سے ۵۲۰ روپے فی کلو تک پہنچ چکی ہے، جبکہ مختلف اقسام کے چاول ۳۲۰ سے ۵۲۰ روپے فی کلو کی بلند قیمت پر فروخت ہو رہے ہیں۔ اس کے علاوہ میٹھے کی بنیادی ضرورت یعنی چینی بھی ۱۶۰ سے ۱۶۵ روپے فی کلو میں فروخت کی جا رہی ہے، جس سے عوام کی مشکلات میں مزید اضافہ ہو گیا ہے۔