اسلام آباد: قومی کمیشن برائے خواتین نے معروف بھارتی اداکارہ Nora Fatehi کو ان کے متنازع گانے کے معاملے پر ایک بار پھر طلبی کا نوٹس جاری کر دیا ہے۔
National Commission on the Status of Women Pakistan کے مطابق اداکارہ کو 27 اپریل 2026 کو ذاتی حیثیت میں کمیشن کے روبرو پیش ہونے کی ہدایت کی گئی ہے۔ کمیشن کا کہنا ہے کہ 6 اپریل کی سماعت میں نورا فتیحی خود پیش نہیں ہوئیں اور ان کی نمائندگی وکیل نے کی، جس پر عدم اطمینان کا اظہار کیا گیا۔
یہ معاملہ فلم Devil میں شامل متنازع گانے “سرکے چنر تیری سر کے” سے متعلق ہے، جس پر خواتین کے وقار کے منافی مواد کے الزامات سامنے آئے ہیں۔
کمیشن کی سربراہ نے مؤقف اختیار کیا ہے کہ گانے کے بول خواتین کی عزت و وقار کے خلاف ہیں، جبکہ تخلیق کاروں کی لاعلمی سے متعلق مؤقف کو بھی مسترد کیا گیا ہے۔ سماعت کے دوران بعض فریقین نے تحریری معذرت نامہ جمع کراتے ہوئے مواد کے معاشرتی اثرات کو تسلیم کیا۔
مزید کارروائی آئندہ سماعت میں کی جائے گی۔