کھانا بنانا بوڑھوں کے دماغ کے لیے مفید، خطرناک بیماری سے بچاؤ: تحقیق

نئی تحقیق کے مطابق گھر پر کھانا بنانا نہ صرف جسمانی سرگرمی بلکہ دماغی ورزش بھی ہے، اور یہ بوڑھے افراد میں ڈیمینشیا کے خطرات کو کم کر سکتا ہے جاپان میں کی گئی تحقیق میں معلوم ہوا کہ وقت کے ساتھ زیادہ تر بزرگ افراد فروزن یا مائیکرو ویو کھانوں پر انحصار کرنے لگتے ہیں، خاص طور پر جب انہیں ذہنی مسائل کا سامنا ہو۔

تاہم باقاعدگی سے کھانا بنانے والے بزرگ افراد میں ڈیمینشیا کے خطرات میں 30 فیصد کمی دیکھی گئی، جبکہ نوآموز کھانا بنانے والوں میں یہ کمی 70 فیصد تک پہنچ سکتی ہے۔

محققین کے مطابق یہ عمل دماغ کو متحرک رکھتا ہے، توجہ اور منصوبہ بندی کی صلاحیتوں کو بہتر بناتا ہے اور دماغی صحت کے لیے اہم ہے۔

لہٰذا، بوڑھے افراد کے لیے روزانہ کھانا بنانا نہ صرف صحت مند رہنے کا ذریعہ ہے بلکہ ذہنی تندرستی کے لیے بھی فائدہ مند ثابت ہوتا ہے۔