.jpg)
تل ابیب: اسرائیلی فوج نے دعویٰ کیا ہے کہ اس نے ایران کی پاسدارانِ انقلاب کی بسیج فورس کے کمانڈر غلام رضا سلیمانی کو ایک حملے میں ہلاک کر دیا ہے۔
اسرائیلی فوج کی جانب سے جاری بیان میں کہا گیا ہے کہ کارروائی گزشتہ شب کی گئی، جس میں غلام رضا سلیمانی کو مخصوص ہدف بنا کر نشانہ بنایا گیا۔
بیان کے مطابق یہ کارروائی ایران کے کمانڈ اینڈ کنٹرول نظام کے لیے ایک بڑا دھچکا ثابت ہو سکتی ہے۔ اسرائیلی حکام کا کہنا ہے کہ ایرانی عسکری قیادت کے خلاف ایسی کارروائیاں مستقبل میں بھی جاری رکھی جائیں گی۔
دوسری جانب ایران کی جانب سے اس دعوے پر تاحال کوئی باضابطہ ردعمل سامنے نہیں آیا، جس کے باعث صورتحال پر غیر یقینی کے سائے برقرار ہیں۔
دفاعی تجزیہ کاروں کے مطابق اگر اس دعوے کی تصدیق ہو جاتی ہے تو یہ خطے میں کشیدگی میں مزید اضافے کا باعث بن سکتا ہے۔