لکی مروت میں سی ٹی ڈی کی آپریشن، 6 دہشتگرد ہلاک

بنوں، لکی مروت: کاؤنٹر ٹیررازم ڈپارٹمنٹ (سی ٹی ڈی) نے لکی مروت کے علاقے شاگئی میں ایک انٹیلی جنس بیسڈ کارروائی کے دوران 6 دہشتگردوں کو ہلاک کر دیا۔

سی ٹی ڈی ذرائع کے مطابق کارروائی تقریباً 40 منٹ تک جاری رہی، جس کے دوران دہشتگردوں کے ساتھ فائرنگ کے تبادلے میں 6 ہلاک ہوئے جبکہ ان کے مزید ساتھی فرار ہونے میں کامیاب ہو گئے۔ ہلاک دہشتگردوں کی شناخت کا عمل ابھی جاری ہے۔

کارروائی کے دوران دہشتگردوں کے قبضے سے 4 کلاشنکوف، 2 پستول، 8 دستی بم اور آئی ای ڈی برآمد ہوئے ہیں، جس سے علاقے میں سکیورٹی خطرے کو ختم کرنے میں مدد ملی۔

دوسری جانب جمعہ کو لکی مروت میں ہوئے ایک دھماکے میں شہید ہونے والے 7 اہلکاروں کی نماز جنازہ پولیس لائن میں ادا کی گئی، جس میں حکام اور اہلکاروں نے شرکت کی اور شہداء کو خراج عقیدت پیش کیا۔