.jpg)
دنیا کی سب سے گہری میراتھن ریس کا انعقاد زیرِ زمین 3669 فٹ اور 10 انچز کی گہرائی میں کیا گیا، جس نے گنیز ورلڈ ریکارڈ اپنے نام کر لیا۔
رپورٹس کے مطابق یہ ریس سوئیڈن کی میونسپلٹی گارپنبرگ میں منعقد ہوئی، جس میں 18 ممالک سے تعلق رکھنے والے 55 رنرز نے حصہ لیا۔ میراتھن 11 چکروں پر مشتمل تھی اور تقریباً 10 لاکھ ڈالر فلاحی کاموں کے لیے جمع کیے گئے۔
گہرائی کے باعث رنرز کے لیے ہیڈ لیمپس پہننا لازمی تھا کیونکہ ریس مکمل طور پر زیرِ زمین تھی۔ ریس کے دوران شرکاء کو گرمی، نمی اور گرد کے چیلنجز کا سامنا رہا۔
گنیز ورلڈ ریکارڈز کے مطابق یہ گہرائی دنیا کے سب سے بلند آبشار اینجلز فالز اور برطانیہ کے سب سے بلند پہاڑ بین نیوس کی بلندی کے درمیان بنتی ہے۔
قبل ازیں دنیا کی سب سے گہری میراتھن کا ریکارڈ جرمنی کی کرسٹل مائن انڈر گراؤنڈ میراتھون کے پاس تھا، جو سمندر کی سطح سے 1640 فٹ اور 5 انچز نیچے منعقد ہوئی تھی۔