ابوظبی کی رئیل اسٹیٹ مارکیٹ نے 2025 میں نیا ریکارڈ قائم کیا ہے۔ جاری اعداد و شمار کے مطابق، سالانہ رئیل اسٹیٹ سودے 142 ارب درہم تک پہنچ گئے اور تعمیراتی لین دین کی تعداد میں 52 فیصد اضافہ ریکارڈ کیا گیا۔
مارکیٹ میں خرید و فروخت کے سودے 99.4 ارب درہم تک پہنچے، جبکہ قرض (مارگیج) لین دین کی مالیت 42.7 ارب درہم رہی۔ غیر ملکی سرمایہ کاری بھی نمایاں طور پر بڑھی اور 8.2 ارب درہم تک پہنچ گئی، جس میں سرمایہ کاری زونز میں غیر ملکی حصہ 72 فیصد ریکارڈ کیا گیا۔ مجموعی غیر ملکی سرمایہ کاری کی مالیت 54.13 ارب درہم رہی۔
سال 2025 میں 56 نئے رئیل اسٹیٹ پروجیکٹس رجسٹر ہوئے، اور رئیل اسٹیٹ پروفیشنل لائسنسز میں 57.7 فیصد اضافہ دیکھنے میں آیا۔ اس سال مجموعی طور پر 3,566 رئیل اسٹیٹ پروفیشنل لائسنسز جاری کیے گئے، جس سے مارکیٹ میں پیشہ ورانہ سرگرمیوں کا نیا دور شروع ہوا۔
ماہرین کا کہنا ہے کہ ابوظبی کی رئیل اسٹیٹ مارکیٹ میں یہ تیزی سرمایہ کاری کے لیے بہترین مواقع فراہم کر رہی ہے اور مستقبل قریب میں مزید ترقی کی توقع ہے۔