پولیس کے مطابق خواجت اللہ، جو امن کمیٹی کے رکن تھے، مہاجر کیمپ کے قریب ایک دکان سے سامان خرید رہے تھے کہ نامعلوم افراد نے اچانک ان پر فائرنگ کر دی۔ اس واقعے میں خواجت اللہ موقع پر ہی جاں بحق ہو گئے جبکہ ان کا کزن نسیم اللہ شدید زخمی ہوا۔
زخمی نسیم اللہ کو فوری طور پر قریبی ہسپتال منتقل کیا گیا، جہاں اس کی حالت تشویشناک بتائی جا رہی ہے۔ حملہ آور واقعے کے بعد فرار ہونے میں کامیاب ہو گئے۔
پولیس نے جائے وقوعہ کو گھیرے میں لے کر شواہد اکٹھے کر لیے ہیں اور واقعے کی تحقیقات شروع کر دی گئی ہیں۔