دبئی میں جاری انڈر 19 ایشیا کپ کے اہم میچ میں بھارت نے پاکستان کو جیت کے لیے 241 رنز کا ہدف دے دیا۔
بھارتی انڈر 19 ٹیم 47 اوورز میں 240 رنز بنا کر آؤٹ ہوگئی۔ پاکستان نے ٹاس جیت کر پہلے فیلڈنگ کا فیصلہ کیا تھا۔
بارش کے باعث ٹاس تاخیر سے ہوا جس کے بعد میچ کو 49 اوورز فی اننگز تک محدود کر دیا گیا۔ میچ کا آغاز شیڈول وقت سے بعد میں ممکن ہو سکا۔
ٹورنامنٹ میں دونوں ٹیموں نے اپنے ابتدائی میچ جیت رکھے ہیں، پاکستان نے ملائیشیا کو شکست دی تھی جبکہ بھارت نے یو اے ای کو ہرایا تھا۔
پاکستانی بولرز نے درمیانی اوورز میں مؤثر کارکردگی کا مظاہرہ کرتے ہوئے بھارتی بیٹنگ لائن کو دباؤ میں رکھا، تاہم بھارت نے مقررہ اوورز میں ایک قابلِ دفاع اسکور کھڑا کر لیا۔
اب پاکستان کو فائنل میں جگہ بنانے کے لیے 241 رنز کا ہدف حاصل کرنا ہوگا۔