شہد بچوں کی کھانسی کے لیے بہترین قدرتی دوا

موسم سرما آچکا ہے اور اس کے ساتھ نزلہ، زکام اور کھانسی جیسی ہلکی بیماریاں عام ہو جاتی ہیں، خاص طور پر بچوں اور بزرگوں کے لیے۔ ماہرین صحت کے مطابق کچھ گھریلو نسخے فوری راحت اور صحت مند رہنے میں مددگار ثابت ہو سکتے ہیں۔

پانی کے غرارے اور گلے کا انفیکشن

گلے میں خرابی محسوس ہو تو سادہ پانی سے غرارے کرنے کا مشورہ دیا جاتا ہے۔ تحقیقات کے مطابق پانی کے غرارے سانس کی بالائی نالی کے انفیکشن کے خطرے کو کم کرتے ہیں، جو نزلہ زکام اور فلو کا باعث بن سکتا ہے۔

چکن سوپ نزلہ زکام کے لیے مفید

چکن سوپ کے استعمال سے خون کے سفید خلیات کی وہ سرگرمی سست پڑ جاتی ہے جو شدید انفیکشن کا سبب بنتی ہے۔ اس کے نتیجے میں نزلہ زکام اور دیگر بیماریوں سے تحفظ حاصل ہوتا ہے۔

سیب اور گاجریں سفید دانتوں کے لیے

سیب اور گاجر دانتوں کی صفائی میں بھی مددگار ہیں۔ ان میں موجود مالیس ایسڈ دانتوں کی سطح کو سفید رکھنے اور داغ دھبے دور کرنے میں مدد کرتا ہے۔

کھانسی کے لیے شہد کا استعمال

عالمی ادارہ صحت کے مطابق بچوں کو سونے سے قبل دس گرام شہد دینے سے کھانسی کی شکایت میں کمی آتی ہے اور نیند پر بھی کوئی منفی اثر نہیں ہوتا۔

سخت دانے یا مسے کے لیے ڈکٹ ٹیپ

سخت دانے یا مسے جلد کے لیے نقصان دہ نہیں، مگر یہ ایک سے دوسرے شخص میں منتقل ہو سکتے ہیں۔ تحقیقات کے مطابق متاثرہ حصے کو صاف کر کے ڈکٹ ٹیپ سے کور کرنے سے دانے یا مسے ختم کیے جا سکتے ہیں۔

یہ ٹوٹکے نہ صرف محفوظ ہیں بلکہ آسانی سے گھر پر آزماۓ جا سکتے ہیں، تاکہ موسم سرما میں صحت مند اور محفوظ رہا جا سکے۔