سلمان علی آغا کو ٹی ٹوئنٹی ورلڈ کپ تک کپتان برقرار رکھنے کا فیصلہ

پاکستان کرکٹ بورڈ نے سلمان آغا کو ٹی ٹوئنٹی ورلڈ کپ تک کپتان برقرار رکھنے کا فیصلہ کر لیا ہے۔\

ذرائع کے مطابق سلمان علی آغا کا قیادت کرنے کا انداز حکام کو بھا گیا ہے، ٹی ٹوئنٹی کپتان سلمان علی خان کو ٹی ٹوئنٹی ورلڈ کپ تک کپتان برقرار رکھے جانے کا قوی امکان ہے۔

ٹیم کی فائٹنگ سپرٹ نے حکام کو سب سے زیادہ متاثر کیا ہے، حکام کو لگتا ہے ٹیم یکجا ہو کر کھیلتی ہوئی نظر آ رہی ہے ماضی میں ایسا نہیں دیکھا گیا۔

حکام کا کہنا ہے کہ سلمان آغا نے اپنی قائدانہ صلاحیتوں سے ٹیم کو جیت کی راہ پر گامزن کر دیا ہے، اس وجہ سے کسی تبدیلی کی کوئی ضرورت نہیں لگتی۔

واضح رہے کہ سلمان آغا نے اپنے کیریئر کے 40 میں سے 38 ٹی ٹوئنٹی انٹرنیشنل میچز بطور کپتان کھیل رکھے ہیں، وہ 23 فتوحات کے ساتھ ملک کے تیسرے کامیاب ترین کپتان کی حیثیت اختیار کر گئے ہیں۔

بابر اعظم کی قیادت میں ٹیم 48 اور سرفراز احمد کی قیادت میں قومی ٹیم نے 29 میچز جیت رکھے ہیں۔ حال ہی میں راولپنڈی میں ہونے والی سہ ملکی ٹی ٹوئنٹی سیریز سلمان کی قیادت میں پاکستان نے اپنے نام کی۔