1800 میٹر کی بلندی پر فٹبال میچ، روسی ایتھلیٹ کا حیران کن دعویٰ

روس کے ایک معروف ایتھلیٹ نے حیران کن دعویٰ کیا ہے کہ انہوں نے فضاء میں 1800 میٹر (5900 فٹ) کی ریکارڈ بلندی پر فٹبال کا باقاعدہ میچ کھیل کر دنیا کا منفرد عالمی ریکارڈ قائم کیا ہے۔

ایتھلیٹ کے مطابق یہ میچ ایک ہاٹ ایئر بیلون کی ٹوکری میں قائم کیے گئے چھوٹے سے معلق گراؤنڈ میں کھیلا گیا، جہاں کھلاڑی محدود جگہ میں انتہائی احتیاط کے ساتھ گیند ایک دوسرے کو پاس کرتے رہے۔

سوشل میڈیا پر وائرل ہونے والی ویڈیوز میں دیکھا جا سکتا ہے کہ کھلاڑی بیلون میں کھیلتے ہوئے نیچے پھیلی زمین کے دلفریب مناظر کا پس منظر بھی نمایاں ہے، جبکہ ایک طیارہ بیلون کے گرد مسلسل چکر لگاتا ہوا نظر آتا ہے، جس نے ویڈیو کو مزید سنسنی خیز بنا دیا۔

روسی ایتھلیٹ کا کہنا ہے کہ اتنی زیادہ بلندی پر ہاٹ ایئر بیلون میں فٹبال کھیلنا دنیا میں پہلی مرتبہ کیا گیا ہے۔ ان کے مطابق یہ کارنامہ نہ صرف جسمانی مہارت بلکہ اعصابی مضبوطی کا بھی امتحان تھا، کیونکہ تیز ہوا، غیر معمولی دباؤ اور محدود جگہ نے میچ کو مزید چیلنجنگ بنا دیا تھا۔

ان کے اس دعوے نے انٹرنیٹ صارفین کو حیران کر دیا ہے—
بعض لوگوں نے اسے جرأت اور جدت کی مثال قرار دیا، جبکہ بعض نے اسے غیر ضروری خطرہ قرار دیتے ہوئے تنقید بھی کی۔

تاہم اس میں کوئی شک نہیں کہ یہ تجربہ منفرد، سنسنی خیز اور دنیا بھر کی توجہ کا مرکز بن گیا ہے۔