تفصیلات کے مطابق لاہور کے فلور مل مالکان نے اعلان کیا ہے کہ معیاری گندم کی فراہمی تک لاہور کی فلور ملز آٹا سپلائی نہیں کریں گی۔یہ اعلان لاہور میں ضلع لاہور کی فلور ملز مالکان کے اجلاس میں کیا گیا ہے۔اجلاس میں فلور ملز مالکان کی جانب سے فلور ملوں کو فراہم کی جانے والی گندم کی کوالٹی پر شدید تحفظات کا اظہار کیا۔
’’ این این آئی ‘‘ کے مطابق فلور ملز مالکان نے اجلاس کو بتایا کہ فلور ملز کوفراہم کی جانے والی گندم انتہائی ناقص اور بدبودار ہے۔ جس کی وجہ سے آٹے کی کوالٹی شدید متاثر ہو رہی ہے۔ مارکیٹ سے شکایات آرہی ہیں، آٹا ڈیلر اوردوکاندار خراب کوالٹی کی وجہ سے مال واپس کر رہے ہیں۔