.jpg)
ترکی کے شہر اوسک کی ایک عدالت نے ایک شہری کو اپنی بیوی کو ہرجانہ ادا کرنے کا حکم دیا ہے، کیونکہ اس نے اپنی اہلیہ کا فون نمبر اپنے موبائل میں "موٹی" کے نام سے محفوظ کیا تھا۔
عدالتی کارروائی کے دوران یہ بات سامنے آئی کہ شوہر کی جانب سے اپنی بیوی کے لیے اس طرح کا توہین آمیز نام استعمال کرنا جذباتی تشدد کے زمرے میں آتا ہے۔
عدالت نے قرار دیا کہ ازدواجی رشتہ عزت، احترام اور برابری کی بنیاد پر قائم ہوتا ہے، اور اس طرح کا رویہ ان اصولوں کے منافی ہے۔
یہ فیصلہ ترکی میں ایک قانونی مثال (precedent) بن چکا ہے، جس کا حوالہ مستقبل میں ایسے دیگر معاملات میں بھی دیا جا سکے گا۔
ترکی کی اعلیٰ عدالت نے نچلی عدالت کے فیصلے کو برقرار رکھتے ہوئے کہا کہ شوہر کا اپنی بیوی کے ساتھ اس طرح کا برتاؤ ازدواجی وفاداری، عزت اور احترام کے تقاضوں کے خلاف ہے۔