بیجنگ، اکتوبر 2025 — چین کی کمیونسٹ پارٹی نے انسدادِ بدعنوانی مہم کے تحت نو سینئر فوجی جرنیلوں کو پارٹی اور فوجی عہدوں سے برطرف کر دیا ہے۔ ان افسران پر کرپشن، اختیارات کے ناجائز استعمال اور مالی بے ضابطگیوں کے سنگین الزامات عائد کیے گئے ہیں۔
برطرف کیے گئے افسران میں چین کی فوج کے دوسرے اعلیٰ ترین افسر ہی وی ڈونگ اور راکٹ فورس کے سابق کمانڈر وانگ ہوبن بھی شامل ہیں۔ یہ کارروائی پارٹی کے سالانہ کنونشن سے قبل عمل میں لائی گئی، جسے فوجی صفائی اور شفافیت کی کوشش قرار دیا جا رہا ہے۔
چینی وزارتِ دفاع کے مطابق، یہ اقدام ملک میں قانون کی بالادستی اور شفاف نظامِ حکومت کے قیام کی جانب ایک اہم قدم ہے۔ تجزیہ کاروں کا کہنا ہے کہ یہ برطرفیاں چین کی فوجی قیادت میں بڑے پیمانے پر تبدیلی کی علامت ہیں۔
کمیونسٹ پارٹی کی انسدادِ کرپشن مہم گزشتہ چند سالوں سے جاری ہے، جس کے تحت اب تک سینکڑوں سرکاری افسران کو عہدوں سے ہٹایا جا چکا ہے۔