عالمی اور مقامی مارکیٹوں میں سونے کی قیمت میں آج بڑی کمی ریکارڈ کی گئی۔
پاکستان جیمز اینڈ جیولرز ایسوسی ایشن کے مطابق آج فی تولہ سونا 3 ہزار 600 روپے سستا ہوا جس کے بعد فی تولہ سونے کی قیمت 3 لاکھ 58 ہزار 800 روپے ہو گئی۔
اسی طرح 10 گرام سونے کی قیمت میں 3 ہزار 86 روپے کمی ہوئی جس سے 10 گرام سونا 3 لاکھ 7 ہزار 613 روپے کا ہو گیا۔
دوسری جانب بین الاقوامی بلین مارکیٹ میں سونے کا بھاؤ 36 ڈالر کی کمی کے بعد 3 ہزار 361 ڈالر فی اونس ہو گیا ہے۔